Conta atrás para a festa das Neves 2014

Vídeos da actuación do grupo Midas en Francelos (Ribadavia)

Estamos a piques de que comece o mes de xullo e iso significa que xa vai quedando menos para a celebración da festa das Neves, que recordemos, será os vindeiros días 8, 9 e 10 de Agosto.

Así, o pasado sábado día 28 de xuño, achegámonos ata as festas do San Pedro en Francelos (Ribadavia) para presenciar unha das poucas actuacións que o Grupo Midas ten pola nosa provincia. Unha formación moi animada cun repertorio do máis bailable, polo que estamos seguros de que fará gozar dunha noite agradable a todos aqueles que vos animedes a facernos unha visita polas festas. Para que poidades comprobalo a continuación deixámosvos uns cantos vídeos da devandita actuación.

Ao longo do mes de xullo iremos publicando pouco a pouco toda a información sobre as festas, pero antes queremos recordarvos que xa podedes axudarnos mercando rifas para o sorteo de 300€ que se celebrará o día 10 de Agosto no campo da festa. Axúdanos a lograr que un ano máis a festa das Neves sexa posible.