A páxina web da parroquia de Zarracós consegue as mellores cifras de visitantes dende a súa creación

Durante o pasado ano 2014 recibiu 3810 visitas de 2050 usuarios distintos

A páxina web da Asociación de Veciños San Andrés de Zarracós acada as mellores cifras de visitantes dende a súa creación aló polo ano 2004. Durante o pasado ano 2014 esta páxina web recibiu ,nada máis e nada menos, que 3810 visitas, realizadas por 2050 usuarios distintos. Estas cifras supoñen un aumento de visitas do 21,88% e un aumento de  usuarios do 40,22% con respecto ao pasado ano 2013.

A maior parte destas visitas foron realizadas dende España (3336 visitas) , e máis concretamente dende: Ourense, Madrid, Vigo, Barcelona, Santiago de Compostela, A Coruña, Victoria-Gasteiz, Durango, Bilbao, Alcobendas, Lugo, Santander, Málaga, Mataró e así ata 90 localidades distintas. Pero tamén recibiu visitas internacionais dende países como: Brasil, Estados Unidos, Italia, México, Portugal, Suiza, Francia, Colombia, Reino Unido, Noruega, Rusia, Alemaña e así ata máis de 65 países distintos.

Os usuarios viron un total de 10818 páxinas, sendo as dez máis vistas as listadas a continuación:

1. Portada (2390 impresións)
2. Galerías fotográficas (994 impresións)
3. Galería: Festa das Neves 2014 (648 impresións)
4. Vídeos (624 impresións)
5. Galería anterior (448 impresións)
6. Galería: Festa do Magosto 2014 (287 impresións)
7. Actualidade da parroquia (269 impresións)
8. Festas e torneos (261 impresións)
9. Vivendas (218 impresións)
10. Galería: Festa do San Ceriz 2014 (215 impresións)

Durante o pasado ano 2014 esta asociación tamén apostou fortemente pola apertura as redes sociais, centrándose esencialmente en Facebook, onde o noso perfil xa acada os 248 amigos, aos que durante todo este tempo mantivemos completamente informados de todo canto aconteceu na nosa parroquia.

Outra das apostas fortes realizadas no pasado ano, foi dar a coñecer todo o que facemos na nosa parroquia ao mundo a través da nosa canle de Youtube e dos múltiples vídeos que gravamos durante todos estes anos. É así que, na nosa canle podedes atopar un total de  175 vídeos e xa contamos con 14 suscriptores. Estes vídeos que foron reproducidos máis de 9800 veces no 2014, sendo os que acadaron máis popularidade os seguintes:

1. Lanzamento de foguetes - Festa das Neves Zarracós 2010 (433 reproducións)
2. Charanga BCB - Festa das Neves Zarracós 2014: No campo da festa (387 reproducións)
3. Grupo Midas 2014 – Presentación (341 reproducións)
4. Charanga BCB - Festa das Neves Zarracós 2014: Na casa de Teresa e Manolo (288 reproducións)
5. V Roteiro Btt Parroira Bike 2014 (2) (245 reproducións)
6. Grupo Midas 2014 – Merengues (244 reproducións)
7. Charanga BCB - Festa das Neves Zarracós 2014: Na casa de Herminda e Antonio (244 reproducións)
8. Charanga BCB - Festa das Neves Zarracós 2014: No barrio da Torre (224 reproducións)
9. Grupo Azalea - Festa das Neves Zarracós 2014 (218 reproducións)
10. Grupo Azalea - Festa das Neves Zarracós 2014 (215 reproducións)

Para que poidades ilustrar un pouco todas estas cifras axuntamos a este artigo unhas cantas gráficas que nos ofrece o noso contador de visitas.