Aviso: axuda para organizar a festa das Neves 2019

Para levar a cabo a Festa das Neves é necesaria a implicación e colaboración de todos os veciños posibles, por iso este ano queremos pedir a vosa colaboración para organizar as festas, xa que son moitas as tarefas a levar a cabo e moi pouca xente traballando activamente para realizalas.

Así, necesítase persoal para axudar no seguinte:

1. Colocar as bandeiras polos distintos pobos da parroquia.
2. Transportar os músicos das charangas polos pobos da parroquia durante as alboradas dos días 3 e 4 de agosto. É importante ter coche e estar disposto a madrugar un pouco.
3. Organizar e pensar os xogos infantís do día 2 de agosto.
4. Organizar e colaborar nas terceiras Olimpíadas Rurais da Broa do día 7 de agosto.
5. Colaborar activamente na venda de papeletas para o sorteo do día 4 de agosto.
6. Participar en xeral na organización de calquera actividade.

Aqueles persoas interesadas en colaborar podedes chamar ou mandar un Whatsapp ó teléfono 650186732 (José Manuel) para así ir coordinando os traballos. De antemán grazas a todas as persoas que se animen a botar unha man.