Proxección do documental -Emprendemento en Terras de Celanova-

Domingo, 29 de decembro do 2019, ás sete da tarde no local sociocultural de Zarracós

Esta asociación de veciños organiza a proxección do documental  "Emprendemento no rural na Mancomunidade Terra de Celanova", que terá lugar o vindeiro domingo, día 29 de decembro do 2019, a partires das 7 da tarde no local sociocultural de Zarracós. E como ven sendo de costume, a entrada será completamente de balde para todos aqueles que vos animedes a asistir.

Este documental trata sobre a Comarca de Celanova, e nel amosa o esforzo e dedicación que ofrecen os habitantes destas terras co fin de demostrar a valía das mesmas para emprender no ámbito rural.

Dende esta asociación queremos dar as grazas á productora Xurdir SL e a súa dirección polas enormes facilidades dadas e por deixarnos exhibir este filme de xeito totalmente gratuíto.

 Só nos queda decirvos, non perdades a oportunidade de velo!