Pequena adquisición de equipamento para a asociación: un soplador de follas

A asociación de veciños ven de realizar unha pequena inversión para adquirir un soplador de follas eléctrico. A finalidade desta compra non é outra que a de manter a pista deportiva do campo da festa de Zarracós nas mellores condicións posibles para a práctica de todo tipo de deportes.

Na actualidade, e dado que a pista está nunhas condicións óptimas, hai moita rapazada da zona que se achega ata ela para patinar ou para andar co seu patinete. Así, en ocasións, e sobre todo despois de rozar ou en épocas invernais, a cancha énchese de pedriñas que poden atrancar patíns e patinetes e ocasionar caídas ou lesións.