Queres vender ou alugar os teus inmobles?

Dende a asociación de veciños queremos axudarche

A crise do coronavirus trouxo consigo unha cantidade inxente de cousas malas, pero tamén nos ensinou a valorar máis o ata o de agora menosprezado rural galego, por iso nos últimos meses se está producindo unha forte demanda de casas na nosa zona, dado estamos moi preto da capital (20 minutos en coche), nun entorno natural excepcional e cunhas comunicacións bastante aceptables.

É así que dende a asociación de veciños de Zarracós queremos sumarnos á iniciativa liderada polos nosos veciños de Entrambosríos e axudar a todos aqueles veciños e veciñas que  desexen vender ou alugar os seus inmobles dándolle unha serie de facilidades de xeito totalmente gratuíto e altruísta, pois encántanos que o rural poida gozar dunha segunda oportunidade e goce de vida.

A nosa proposta consiste no seguinte:

• Reportaxe fotográfica da casa.
• Publicación das ofertas nas principais páxinas web de venta  de inmobles e nas redes sociais.
• Creación dunha carteira de propiedades da parroquia.
• Publicación das ofertas nos distintos taboleiros de anuncios da parroquia.

Se desexas que che axudemos non tes máis que contactar con nos polas distintas redes sociais ou de xeito físico xunta ós membros da directiva e porémonos mans a obra.