Recopilación de fotos antigas

Todos os que desexedes podedes ir aportando fotos

Dende a Asociación de Veciños estamos a promover unha novidosa e interesante iniciativa. Trátase de pouco a pouco ir recopilando e dixitalizando as fotos antigas que os veciños da parroquia poidades posuir, e que de seguro tendes gardadas por ahi no "baul dos recordos".

Moitos preguntarédesvos cal é a pretensión desta idea, pois moi sinxelo, que o pasado da parroquia quede plasmado nun arquivo dixital común, coa intención de o próximo ano poder montar unha extensa exposición fotográfica ou incluso facer unha video proxección (unha vez recollidas as fotos, as posibilidades son moitas e variadas). Esta exposición que de seguro que vos traerá moitos recordos a todos e fará ver aos máis novos ver como foi a parroquia de Zarracós no pasado, que xentes a habitaron, cales eran as súas tradicións e costumes (a malla, a sega, a agricultura), como se vestian, como se divirtian (as festas, as procesións, as distintas tascas do pobo),....

Por iso dende a Asociación de Veciños, solicitamos a vosa colaboración para que aportedes as vosas fotos, que ben,se dispondes de escaner, poderedes enviar ao correo electrónico correo@zarracos.org , ou ben pasarvos pola casa do José Manuel e deixalas alí durante uns días, donde se escanearán e se vos devolverán tal e como as deixastes.

¡¡¡Colabora con esta iniciativa!!!

¡¡¡Aporta as túas fotos!!!