-As fabas máxicas- teatro de monicreques para nenos

Auditorio Municipal Ilduara de Celanova, domingo 8 de xuño ás 18.00h, con entrada de balde.

“AS FABAS MÁXICAS”

·         A Mancomunidade Terra de Celanova organiza o espectáculo “As Fabas Máxicas”

·         Teatro de monicreques e actor para nenos a partir de 4 anos e familias

«As Fabas máxicas» é un espectáculo do programa FalaRedes 2014 da Secretaría Xeral de Política Lingüística da Xunta de Galicia e en virtude da adhesión da Mancomunidade Terra de Celanova  a Rede de Dinamización Lingüística de Galicia.

Caramuxo Teatro  presenta unha nova versión do clásico popular .Un espectáculo contado en primeira persoa a través do teatro de actor e de monicreques. Xan vive agora de adulto nun pequeno apartamento de Nova York. Coidando as plantas da súa terraza, descobre algo sorprendente, que lle lembra unha asombrosa infancia chea de aventuras.

Unha proposta de lecer en familia para nenos a partir de 4 anos cunha coidada estética na que o humor, a emoción, e a poesía mistúranse para dar unha visión contemporánea do coñecido conto infantil.