O Concello de A Merca desbroza o monte comunal do pobo de Zarracós

Mentres varios veciños rastrillan o campo da festa e limpan os bordes aos que non pode chegar a maquinaria pesada

O Concello de A Merca, atendendo a petición formal realizada dende Asociación de Veciños, procede estes días ao desbroce do monte comunal do pobo de Zarracós. Unha superficie de máis de tres hectáreas que levaba dende o 2010 sen limpar e que xa comeza a acumular abondante maleza ao carón das casas e do novo local socio-cultural da parroquia.

Así mentres dous tractores acometían estes traballos, un grupo de pesoas composto por: Pepita, Pepe, Manolo, Ángeles e José Manuel procedían a rastrillar o campo da festa e a limpar coas súas propias desbrozadoras os bordes aos que non puido chegar a maquinaria pesada.