I Olimpíada Rural de A Broa 2017

8,15 e 18 de agosto en Zarracós, Entrambosríos e Pazos de Olás respectivamente

Da colaboración entre  a AAVV San Pedro de Olás, a AAVV Santa Mariña de Entrambosríos e a AAVV San Andrés de Zarracós nace a I Olimpíada Rural de A Broa que se desenvolverá durante o mes de agosto nas tres parroquias da marxe esquerda do río Arnoia.

Ó longo de tres xornadas os máis pequenos da contorna, nenas e nenos de entre 5 e 12 anos, poderán gozar da práctica de distintos deportes en equipo, así como, doutros de estilo máis tradicional.

A participación será completamente gratuíta para aquela xente miúda que se anime a asistir e dende a organización encargarémonos de  ofrecer agasallos, así como, a merenda: bocadillo, froita, refrescos, auga....

Martes 8 de Agosto sede Zarracós

Lugar e hora: Campo da festa de Zarracós ás 19.00 horas

Nesta primeira xornada das olimpíadas os máis pequenos poderán gozar da práctica de distintos deportes e xogos tradicionais, hoxe case esquecidos: a ra, a chave, a porca, os sacos, os zancos, os aros, os bolos, a turra-soga, as buxainas, a comba...

Nota: para aqueles familiares e veciños que vos animedes a acompañar ós rapaces e rapazas comunicarvos que teremos bar no campo da festa da man de Churrería As Maravillas.

Martes 15 de Agosto sede Entrambosríos

Lugar e hora: Campo da festa de Entrambosríos ás 19.00 horas

Nesta segunda xornada das olimpíadas os máis pequenos poderán gozar da práctica dun deporte en equipo como é o do baloncesto, así como, doutros xogos variados.

Venres 18 de Agosto sede Pazos de Olás

Lugar e hora: Campo de xogos de Pazos de Olás ás 17.00 horas

Nesta terceira e derradeira xornada das olimpíadas os máis pequenos poderán gozar da práctica doutro deporte en equipo como é o do fútbol sala, así como, de diferentes probas de atletismo.

Colaboran:

• INORDE, Turismo de Ourense
• Centro de Cultura Popular Xaquín Lorenzo
• Deputación Provincial de Ourense
• Concello de A Merca, Concellería de Participación Cidadá Cultura e Deporte