Balance económico festa das Neves Zarracós 2017

As contas presentan un saldo positivo de 806,10 €

Nas imaxes axuntas a este artigo podedes acceder ás contas da festa das Neves Zarracós 2017, así como, ó listado de donativos da mesma. Tal e como se pode comprobar, estas arroxan un saldo favorable de 806,60 € que se ingresarán na conta bancaria da asociación de veciños.

Así, a pesares de que a recadación baixou notablemente con respecto ó ano pasado (480€ menos), logrouse xuntar a espectacular cifra de 10.800 euros e seguir mantendo igualmente un saldo positivo ó conter os gastos da festa (180 € menos co ano pasado).

Dende a Asociación de Veciños agardamos que o programa proposto fose do agrado da maioría, e aproveitando a ocasión queremos expresar o noso máis profundo agradecemento:

• A todos os veciños desta parroquia pola súa excepcional colaboración, tanto económica como doutro tipo, máxime, nestes tempos tan difíciles que estamos a vivir.
• A todos aqueles veciños da parroquia, así como doutras parroquias, que achegaron diñeiro a maiores.
• A todas aquelas persoas que mercaron rifas para o sorteo dos 300 €, así como, a aqueles que axudaron a vendelas desinteresadamente.
• A todas aquelas persoas que mercaron rifas para os sorteos do Nadal.
• A todos os establecementos e marcas comerciais que contribuíron anunciándose nos carteis ou simplemente dando diñeiro sen  ningún tipo de contrapartida.
• Ós compoñentes do Grupo de acordeóns Bieito Blanco, por deleitarnos coa súa gran profesionalidade e animar a festa do venres.
• A Bieito Blanco por colaborar de xeito totalmente desinteresado na realización da festa do venres, máxime nunha semana tan triste e complicada para el.
• Ós veciños que de xeito altruísta colleron o seu instrumento, ou simplemente as súas voces, e se animaron a por o seu gran de area para cerrar a festa deste ano en condicións.
•  A todos aqueles que axudaron a levar a cabo os xogos infantís, ben fora aportando regalos ou o seu propio traballo.
• Á todos aqueles que participaron nos distintos torneos celebrados con motivo da festa: chave, fútbol e tute.

Grazas a todos e cada un de vos as festas de Zarracós son o que son