O pobo de Zarracós estrea alumeado público LED

Redúcese o consumo un 57% mentres se incrementa a luminosidade un 170%

Se hai unhas semanas era o campo da festa o que estreaba alumeado LED, desta volta tocoulle á todo o pobo de Zarracós. Ó longo destes últimos días a veciña empresa CARPIELECTRO S.L. procedía  a cambiar os 60 puntos de luz que compoñen o alumeado público do pobo por uns novos de baixo consumo e tecnoloxía LED.

Ben seguro que todos aqueles que visitastes o pobo estes días notastes un cambio máis que significativo, pois a diferenza entre o antigo e novo alumeado é bastante máis que notoria, non só en termos de eficiencia enerxética, senón tamén en canto a luminosidade.

Para que vos fagades unha pequena idea do custe e da mellora que supuxo a execución deste proxecto a continuación proporcionamos unhas cantas cifras:

1. Aspecto enerxético : anteriormente había instalados no pobo 56 puntos de luz de 90W e  4 de 400W (Os focos do campo da festa), co novo alumeado hai 56 puntos de luz de 40W e 4 de 100W, é dicir, pasouse de gastar 6.240 W/h a gastar 2.640 W/h o que supón un aforro enerxético do 57% (3.600 W/h menos). É non só isto, as novas lámpadas LED proporcionan 190 Lúmens/m2 mentres que as anteriores daban 70 Lúmens/m2. En conclusión, reducindo o consumo un 57% incrementouse a luminosidade un 170%.
2. Aspecto económico:  o custe deste proxecto realizado no pobo de Zarracós foi de 22.344€, dos que 7.532€ foron asumidos  polo Excmo. Concello de A Merca e os 14.812€ restantes  con cargo a fondos europeos.

Dende a asociación valoramos de xeito moi positivo esta actuación realizada polo Excmo. Concello de A Merca nos pobos de Corvillón e Zarracós, intervención que segue a senda iniciada no pobo da Mezquita hai un ano, e que seguramente serán o inicio de máis actuacións que leven ó noso municipio cara unha mellora da eficiencia enerxética.